Marneulidə baş verən atışmanın bəzi detalları məlum oldu

Marneulidə yerləşən “Beli Dom” restoranında insident baş verib.

Gizli mənbədən InterPress.ge-yə daxil olan məlumata görə, qarşıdurma polis əməkdaşları ilə Marneuli meriyası işçiləri arasında yaşanıb.

İddialara görə, polis əməkdaşları restoranda ad günü qeyd edirmiş. Tədbir zamanı restoranın həyətində bir neçə dəfə havaya atəş açıblar. Hadisəyə reaksiya verən meriya əməkdaşları ilə aralarında gərginlik yaranıb və nəticədə əlbəyaxa dava baş verib.

Hazırda faktla bağlı istintaq tədbirlərinin aparılıb-aparılmadığı barədə rəsmi məlumat yoxdur. InterPress.ge komandası olaraq Daxili İşlər Nazirliyinin mətbuat xidmətindən məsələ ilə bağlı rəsmi açıqlama almağa çalışırıq.