Marneulidə zəncirvari yol qəzası baş verib - FOTO

Bu gün Marneuli şəhərinin mərkəzində yerləşən Rustaveli küçəsində zəncirvari avtomobil qəzası baş verib.

InterPress.ge xəbər verir ki, hadisə zamanı dörd avtomobil – Toyota Prius, Nissan, Opel və KİA markalı nəqliyyat vasitələri toqquşub.

Məlumata görə, qəza KİA markalı avtomobilin Toyota Prius-a çırpılması ilə başlayıb. Zərbənin gücündən idarəetməni itirən KİA daha sonra yol kənarında park edilmiş digər iki avtomobilə – Nissan və Opel markalı maşınlara dəyib.

Hadisə yerinə dərhal polis əməkdaşları cəlb olunub və faktla bağlı araşdırmalara başlanılıb.