İrakli Kobaxidze: “Gürcü Arzusu” 13 ildir müstəqillik və rifah uğrunda ədalətli mübarizə aparır

Partiyanın yaradılmasından keçən 13 il Gürcüstanın müstəqilliyi, sülh yolu ilə inkişafı, rifahı və gürcü xalqının ləyaqətinin müdafiəsi uğrunda bərabərsiz, lakin ədalətli və uğurlu mübarizənin simvoludur.

InterPress.ge xəbər verir ki, bu barədə “Gürcü Arzusu” partiyasının yeni seçilmiş sədri, baş nazir İrakli Kobaxidze partiyanın qurultayında bildirib.

“Partiya sədrliyi çox böyük məsuliyyətdir və eyni zamanda çox böyük şərəfdir. Dəstəyə və göstərilən etimada görə hər birinizə təşəkkür edirəm,” – deyə Kobaxidze vurğulayıb.

O, partiyanın keçmiş sədri İrakli Qaribaşviliyə son 1,5 ildəki fəaliyyətinə görə xüsusi təşəkkürünü bildirib və qeyd edib ki, Qaribaşvili ötən il partiyanın seçki uğurlarına mühüm töhfə verib.