Bizimlə əlaqəHaqqımızda—
Ən son:
TVCANLI

Şalva Papuaşvili: MEGOBARI Aktının məqsədi yalnız informasiya səs-küyü yaratmaqdır

329
Şalva Papuaşvili: MEGOBARI Aktının məqsədi yalnız informasiya səs-küyü yaratmaqdır
Dinləmək üçün basın

Gürcüstan parlamentinin sədri, “Gürcü Arzusu”nun nümayəndəsi Şalva Papuaşvili mediada çıxışında ABŞ Nümayəndələr Palatasında qəbul edilən MEGOBARI Aktına münasibət bildirib.

Gürcüstan parlamentinin sədri, “Gürcü Arzusu”nun nümayəndəsi Şalva Papuaşvili  mediada çıxışında ABŞ Nümayəndələr Palatasında qəbul edilən MEGOBARI Aktına münasibət bildirib.

InterPress.ge xəbər verir ki, Papuaşvilinin sözlərinə görə, bu qanun layihəsinin məqsədi yalnız informasiya səs-küyü yaratmaqdır və onun ABŞ-Gürcüstan münasibətlərinə heç bir real təsiri olmayacaq.

“Cəfəngiyyat olan o siyahıya baxın – Joe Wilson özünün ‘sevimli’ top-30 siyahısını yayımlayıb, guya kimləri sanksiyalaşdırmaq istərdi. Əslində bu sənədin bircə məqsədi var: informasiya səs-küyü yaratmaq, başqa heç nə. Çünki ABŞ prezidenti istədiyi halda sanksiya tətbiq etmək üçün heç kimin icazəsinə ehtiyac duymur və bu akt da onu buna məcbur edə bilməz. Nöqtə. Bu sənəd yalnız Konqresin müxtəlif üzvlərinin siyasi fikirlərinin qarışığıdır, bundan artıq heç nə.

ABŞ prezidenti istəsə, Konqresdən icazəsiz üç ay müharibə apara bilər. Sanksiya qoymaq, tarifləri artırmaq – bax, bunlar prezidentin səlahiyyətindədir. Ona görə bu akt sadəcə informasiya səs-küyüdür, tıpkı Avropa Parlamentinin qətnamələri, Çexiya, Litva, Estoniya kimi ölkələrin bəyanatları kimi.

Bundan əlavə, aktın təşəbbüskarı olan cənab Joe Wilson “Gürcü Arzusu”na qarşı seçki kampaniyasında iştirak edib və orada məğlub olub. Gürcü xalqı öz seçimini etdi və ona, eləcə də Vahid Milli Hərəkat partiyasına dəstək vermədi. O, məğlubiyyətinin acığını bu yolla çıxarmağa çalışır.

Sonda deyə bilərəm: bu sənədin ABŞ-Gürcüstan münasibətlərinə mane olacağına inanmıram, çünki ABŞ-ın xarici siyasətini prezident və administrasiya müəyyən edir və biz də məhz administrasiya ilə işləyirik,” – deyə Papuaşvili bildirib.

Xəbəri qiymətləndir
Məqalənin müəllifiAysel İsmayılova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →