Maliyyə Nazirliyinin İstintaq Xidməti "call-center"lərlə bağlı əməliyyatlar keçirdi-FOTO

Gürcüstan Maliyyə Nazirliyinin İstintaq Xidmətinin əməkdaşları aparılan cinayət işi çərçivəsində əldə olunan operativ məlumatlar əsasında Tbilisi və Acarada ehtimal olunan qanunsuz “call-center” fəaliyyətinə dair istintaq tədbirləri həyata keçiriblər.

InterPress.ge xəbər verir ki, əməliyyatlar zamanı müxtəlif növ texniki vasitələr və elektron məlumatlar, həmçinin sənədlər maddi sübut kimi götürülüb.

İstintaq Gürcüstan Cinayət Məcəlləsinin 180-ci (dələduzluq), 192-ci (qanunsuz sahibkarlıq), 194-cü (cinayət yolu ilə əldə olunmuş gəlirlərin lokalizasiyası) və 218-ci (kriminal birliyin yaradılması və rəhbərlik) maddələri üzrə davam edir.