İstanbuldan Tbilisiyə uçan təyyarə Bakı aeroportuna məcburi eniş edib

May ayının 27-də, İstanbul–Tbilisi marşrutu üzrə hərəkət edən “Turkish Airlines” aviaşirkətinə məxsus “Boeing 737” tipli sərnişin təyyarəsi Heydər Əliyev Beynəlxalq Aeroportuna məcburi eniş edib.

InterPress.ge xəbər verir ki, bu barədə Aeroportun mətbuat xidmətindən bildirilib.

Məlumata görə, təyyarənin kapitanı Gürcüstanda, təyinat hava limanında hava şəraitinin əlverişsiz olması səbəbindən Bakı hava limanına eniş üçün müraciət edib. Hava gəmisinin yerli vaxtla saat 21:06-da uğurla eniş etdiyi bildirilir.

Sərnişinlər uçuşla bağlı əlavə məlumatı “Turkish Airlines” aviaşirkətinin nümayəndələrindən əldə edə bilərlər.