Avropa İttifaqının səfiri: "Gürcüstanın genişlənmə prosesi tıxanıb, tarixi fürsət itirilə bilər"

Avropa İttifaqının Gürcüstandakı səfiri Pavel Herçinski bildirib ki, Gürcüstanın Avropa İttifaqına genişlənmə prosesi tıxanıb və bu, təəssüf doğurur.

InterPress.ge xəbər veri ki, o, narahatlıq ifadə edərək bildirib ki, Gürcüstan üçün bu tarixi fürsət itirilə bilər.

Səfir jurnalistlərin, müxalifət siyasətçilərinin və fəalların “Gürcü Arzusu” deputatları ilə bağlı sosial media paylaşımları səbəbindən məhkəməyə çağırılması ilə bağlı sualına cavab verərkən qeyd edib ki, Avropa İttifaqı zorakılığı hər zaman qətiyyətlə pisləyir və zorakılıq hər kəs tərəfindən və hər formada qəbulolunmazdır.

Herçinski vurğulayıb ki, zorakılığa görə məsuliyyət əsasən hakimiyyət üzərinə düşür və uzun müddətdir müşahidə olunan zorakılıq, vəhşilik və tam impunitet hallarına qarşı hələlik ədalət təmin olunmayıb.

Səfir əlavə edib ki, Gürcüstanda mövcud böhrandan çıxış yolu dialoqdan keçir və bu məsələdə Avropa İttifaqının mövqeyini nümayiş etdirmək onun vəzifəsidir.

Herçinski, həmçinin qeyd edib ki, siyasi partiyalara nə etməli olduqları barədə göstəriş vermək onun işinə daxil deyil, lakin o, ümid edir ki, Gürcüstanda siyasi qüvvələr arasında dialoq qurulacaq, Avropa İttifaqına inteqrasiya prioritet kimi qəbul olunacaq və mövcud fikir ayrılıqları aradan qaldırılaraq, Gürcüstan yenidən genişlənmə prosesində irəliləyəcək.

O bildirib ki, Ukrayna və Moldovada genişlənmə prosesi irəliləyir, amma Gürcüstanla bağlı proses tıxanıb və bu, təəssüf doğurur. Səfir vurğulayıb ki, bu vəziyyət Gürcüstan üçün itirilə biləcək tarixi fürsətdir.