Hindistanda təyyarə qəzasında ölənlərin sayı 317-yə çatdı

Hindistanda baş verən aviasiya qəzasında ölənlərin sayı 317 nəfərə yüksəlib. Hindistan mediasının məlumatına görə, mülki xəstəxana personalının yaşayış sahəsində əlavə olaraq 75 nəfərin meyiti aşkar edilib.

Məlumata əsasən, “Air India” aviaşirkətinə məxsus təyyarədə ümumilikdə 242 sərnişin olub. Qəza nəticəsində təyyarədə olan sərnişinlərdən yalnız bir nəfərin sağ qaldığı bildirilir.

Xatırladaq ki, hadisə Ahmedabad Beynəlxalq Hava Limanından havaya qalxdıqdan bir neçə dəqiqə sonra baş verib. Londona istiqamətlənən təyyarə yaşayış massivinə düşüb.

Hadisə ilə bağlı Pakistanın Baş naziri Şahbaz Şərif qəzada həlak olanların ailələrinə başsağlığı verib.