Marneulidə növbəti faciənin astanasından dönüldü - VİDEO

Marneulidə Nəriman Nərimanov küçəsində yerləşən yaşayış binasında qorxulu anlar yaşanıb. Binanın balkonunun üst hissəsi çöküb. Xoşbəxtlikdən hadisə nəticəsində xəsarət alan olmayıb.

InterPress.ge xəbər verir ki, hadisə yerinə Marneuli Nəzarət Xidmətinin əməkdaşları və Fövqəladə Halların İdarə Olunması Xidmətinin əməkdaşları cəlb olunub.

Qeyd edək ki, həmin binada 2022-ci ildə də faciəli hadisə baş vermişdi. Belə ki, binanın 5-ci mərtəbəsində yerləşən eyvanın uçması nəticəsində 2 nəfər həyatını itirmişdi.

Hadisənin səbəbləri və binanın texniki vəziyyəti ilə bağlı araşdırmanın aparılıb-aparılmadığı hələlik məlum deyil.