Estoniya XİN rəhbəri: “Gürcü Arzusu” bütün siyasi məhbusları dərhal azad etməlidir”

Estoniyanın xarici işlər naziri Margus Tsahkna Gürcüstanda son günlərdə bir neçə müxalifət liderinin həbsinə münasibət bildirib.

InterPress.ge xəbər verir ki, o, məsələ ilə bağlı “X” platformasında paylaşım edib.

“Gürcüstan hakimiyyəti repressiyalara davam edir və son günlər ərzində bir neçə müxalif lideri həbs edib. Avropayönlü siyasətçilərin həbsi Gürcüstanı Avropa İttifaqına doğru yoldan daha da uzaqlaşdırır. Siyasi təqiblərə son qoyulmalıdır. 'Gürcü Arzusu' bütün siyasi məhbusları dərhal azad etməlidir”, – deyə Estoniya XİN rəhbəri qeyd edib.