İrakli Kobaxidze: “Bidzina İvanişvilini sanksiyalar qorxutmur – Avropada heç bir əsas olmadan iki milyardın dondurulması qəbuledilməzdir”

“Gürcü Arzusu” partiyasının fəxri sədri Bidzina İvanişvili nə formal, nə də qeyri-formal sanksiyalardan qorxmur."

InterPress.ge xəbər verir ki, bu fikirləri Gürcüstanın Baş naziri İrakli Kobaxidze Fransa hökumətinin Avropa məsələləri üzrə naziri Benjamen Hadadın sanksiyalarla bağlı açıqlamasına münasibət bildirərkən səsləndirib.

“Bidzina İvanişvilinin sanksiyalardan qorxmadığını artıq hamı gördü. Ona qarşı əvvəlcə qeyri-formal sanksiyalar tətbiq edildi – iki milyard dollar tamamilə quldurcasına və rüsvayedici şəkildə donduruldu. Bu, Avropa üçün uyğun davranışdırmı? Kommersiya bankı vasitəsilə, heç bir əsaslandırma olmadan fiziki şəxsin – özü də yüksək vəzifə tutmuş bir şəxsin – vəsaitinə blok qoyulması Avropa dəyərlərinə uyğun gəlirmi? Bunu biz 30-40 il əvvəl Avropadan gözləmirdik. Təəssüf ki, Avropa bu vəziyyətə gətirildi və bu, “dərin dövlət”in təsir və fəaliyyətinin nəticəsidir. Bu, təbii ki, faciəvi bir vəziyyətdir”, – deyə Kobaxidze bildirib.

Baş nazir əlavə edib ki, “Bidzina İvanişvili nə formal, nə də qeyri-formal sanksiyalardan qorxur. Onlar çıxış edib şantaj dili ilə danışırlar. Amma bu cür yanaşmanın heç bir effekti olmayacaq”, – deyə o vurğulayıb.