Gürcüstanın Baş naziri İsrailin səfiri ilə görüşüb

Gürcüstanın Baş naziri İrakli Kobaxidze İsrailin fövqəladə və səlahiyyətli səfiri Hadas Meitsadı qəbul edib.

InterPress.ge xəbər verir ki, bu barədə məlumatı Gürcüstan hökumət administrasiyası yayıb.

Vida görüşü zamanı Gürcüstan və İsrail arasında mövcud olan çoxəsrlik münasibətlərə və xüsusi dostluğa bir daha diqqət çəkilib.

Baş nazir səfirə iki ölkə arasında əlaqələrin inkişafına verdiyi töhfəyə görə təşəkkür edib və gələcək fəaliyyətində uğurlar arzulayıb.

Görüşdə, həmçinin, Yaxın Şərqdə son dövrlərdə baş verən hadisələr müzakirə olunub və uzunmüddətli sülh və sabitliyin təmin olunmasında diplomatik səylərin əhəmiyyəti vurğulanıb.