Mixeil Kavelaşvili 4 oktyabrda yerli özünüidarəetmə seçkilərinin keçirilməsi barədə sərəncam imzalayıb

Mixeil Kavelaşvili 2025-ci il yerli özünüidarəetmə orqanlarına seçkilərin 4 oktyabrda keçirilməsi ilə bağlı sərəncam imzalayıb.

InterPress.ge xəbər verir ki, bu barədə məlumatı Prezident administrasiyasının mətbuat xidməti yayıb.

Sərəncam Gürcüstanın Baş naziri İrakli Kobaxidze tərəfindən də imzalanıb.

“Gürcüstan Konstitusiyasının 52-ci maddəsinin birinci hissəsinin “g” bəndinə və “Gürcüstanın Seçki Məcəlləsi” adlı orqanik qanunun 133-cü maddəsinin birinci və ikinci bəndlərinə əsasən, bələdiyyə nümayəndə orqanlarına – sakrebulo və özünüidarəetməyə malik şəhər/rayon meri vəzifələrinə növbəti seçkilər 2025-ci il oktyabrın 4-nə təyin olunur”, – deyə Mixeil Kavelaşvilinin N05/08/01 nömrəli sərəncamında bildirilir.