ABŞ-ın Gürcüstandakı səfirliyi: "Rusiyanın Gürcüstana hücumundan 17 il keçir – Gürcüstanın suverenliyinə dəstəyimiz davam edir"

Amerika Birləşmiş Ştatlarının Gürcüstandakı səfirliyi 2008-ci il avqust müharibəsinin 17-ci ildönümü ilə bağlı bəyanat yayıb.

“Bu gün Gürcüstana Rusiyanın müdaxiləsindən 17 il ötür. Bu, müharibənin qurbanlarını, məcburi köçkünləri və döyüşlərdə həlak olanları anma günüdür. Biz görürük ki, gürcü xalqı onların qəhrəmanlığını necə ehtiramla yad edir.

Sizə həmrəyliyimizi bildiririk və Gürcüstanın suverenliyi və ərazi bütövlüyünə sadiqliyimizi bir daha təsdiqləyirik”, – deyə bəyanatda qeyd olunur.