Salome Zurabişvili Ermənistan və Azərbaycan arasında sülh sazişinə münasibət bildirdi

Gürcüstanın beşinci prezidenti Salome Zurabişvili Ermənistan və Azərbaycan arasında imzalanmış sülh sazişini yüksək qiymətləndirib.

“Donald Trampa, Nikol Paşinyana və İlham Əliyevə – sizin uğurunuz Cənubi Qafqazda sülh və tərəqqinin uğurudur. Gürcülər sülhün və müstəqilliyin qiymətini yaxşı bilirlər və onilliklər boyu Rusiyanın mane olduğu bu böyük nailiyyəti dəyərləndirirlər,” – deyə Zurabişvili bildirib.

Xatırladaq ki, avqustun 8-də Ermənistanın baş naziri Nikol Paşinyan və Azərbaycanın prezidenti İlham Əliyev Vaşinqtonda, ABŞ prezidenti Donald Trampın vasitəçiliyi ilə sülh sazişinə imza atıblar.