Tramp: ABŞ Ukraynaya “çox yaxşı müdafiə” təmin edəcək

ABŞ Prezidenti Donald Tramp bəyan edib ki, Amerika Ukraynaya “çox yaxşı müdafiə və təhlükəsizlik” verəcək.

Tramp bu açıqlamanı Ağ Evdə Ukrayna Prezidenti Volodimir Zelenski ilə görüşündən əvvəl jurnalistlərin suallarını cavablandırarkən səsləndirib. Ona Ukraynaya sülh sazişi çərçivəsində təhlükəsizlik zəmanətlərinin və NATO-ya bənzər müdafiənin təmin edilib-edilməyəcəyi barədə sual ünvanlanıb.

ABŞ Prezidenti bildirib ki, məsələ hələlik müzakirə olunmayıb, lakin “Kiyevə çox yaxşı müdafiə və çox yaxşı təhlükəsizlik veriləcək”.