Zelenski: Oval ofisdə Tramp ilə Ukraynanın işğal olunmuş ərazilərinin xəritəsi üzərində müzakirə apardıq

ABŞ Prezidenti Donald Tramp ilə Volodimir Zelenskinin Oval ofisdə uzunmüddətli söhbətləri olub və müzakirə zamanı masada Rusiyanın işğalı altında olan Ukrayna ərazilərinin xəritəsi açılıb.

InterPress.ge xəbər verir ki, bu barədə Ukrayna Prezidenti Volodimir Zelenski bildirib. 

“Xəritədə göstərilən faiz göstəricilərini izah etdim, çünki bu faizləri çox yaxşı bilirəm”, – deyə Zelenski vurğulayıb.

Onun sözlərinə görə, liderlər bu mövzuda “səmimi və məzmunlu dialoq” aparıblar. Zelenski əlavə edib ki, Trampa döyüş meydanının xəritələrini göstərmək və kim hansı ərazini nəzarətdə saxladığını izah etmək imkanı olub.

Ukrayna Prezidenti həmçinin görüşdə iştirak edən Avropa liderlərinə təşəkkür edib və bildirib ki, müttəfiqlər vahid mövqedən çıxış ediblər.

“Komandamız çox iş gördü”, – deyə Zelenski əlavə edib.

Onun sözlərinə görə, Ağ evdə keçirilən görüşdə əsas mövzulardan biri “təhlükəsizlik zəmanətləri” olub və bu məsələ müharibənin dayandırılması üçün zəruri “başlanğıc nöqtəsi” kimi qiymətləndirilib.

Zelenski əlavə edib ki, ABŞ bu zəmanətləri təmin edəcək ölkələrdən biri olacaq.