Zelenski: “Putinlə görüş üçün istənilən formata hazıram”

Ukrayna Prezidenti Volodimir Zelenski bəyan edib ki, Rusiya Prezidenti Vladimir Putinlə görüş üçün “istənilən formata” hazırdır.

InterPress.ge xəbər verir ki, bu barədə Zelenski Ağ evdə ABŞ Prezidenti Donald Tramp ilə görüşdən sonra keçirilən mətbuat konfransında danışıb.

Onun sözlərinə görə, hələlik təklif olunan ikitərəfli görüşün detalları məlum deyil. Zelenski əlavə edib ki, görüş üçün öncədən şərt irəli sürmək istəmir, çünki Putin öz şərtlərində israr edəcək.

“İnanıram ki, biz şərtsiz görüşməli və müharibənin dayandırılmasına aparan yolun gələcək inkişafını müzakirə etməliyik”, – deyə Ukrayna Prezidenti bildirib.