Qəzzada xəstəxanaya raket zərbəsi nəticəsində 20 nəfər, o cümlədən 4 jurnalist həlak olub

Axios nəşrinin məlumatına görə, İsrail Müdafiə Qüvvələrinin Qəzzada yerləşən xəstəxanaya endirdiyi zərbə nəticəsində 20 nəfər, o cümlədən 4 jurnalist həyatını itirib.

Qəzza Səhiyyə Nazirliyi bildirib ki, raket hücumu bölgənin cənubunda yerləşən əl-Nasr xəstəxanasına endirilib. Hadisə nəticəsində Reuters, Associated Press, NBC və “Əl-Cəzirə” media qurumlarının əməkdaşları həlak olub.

İsrail Müdafiə Qüvvələri hücumu təsdiqləyib. Qurumun sözçüsü Nadav Şoşan açıqlayıb ki, İsrail ordusunun Baş Qərargah rəisi, general-leytenant Eyal Zamir baş verənlərlə bağlı dərhal araşdırma aparılması barədə göstəriş verib.