Bizimlə əlaqəHaqqımızda—
Ən son:
TVCANLI

Tbilisi Məhkəməsinin qərarı ilə bir sıra QHT-lərin bank hesabları donduruldu

316
Tbilisi Məhkəməsinin qərarı ilə bir sıra QHT-lərin bank hesabları donduruldu
Dinləmək üçün basın

Gürcüstan Prokurorluğunun yaydığı məlumata görə, Tbilisi Şəhər Məhkəməsi prokurorluğun vəsatətini təmin edərək bir neçə qeyri-hökumət təşkilatının bank hesablarının dondurulmasına dair qərar qəbul edib.

Gürcüstan Prokurorluğunun yaydığı məlumata görə, Tbilisi Şəhər Məhkəməsi prokurorluğun vəsatətini təmin edərək bir neçə qeyri-hökumət təşkilatının bank hesablarının dondurulmasına dair qərar qəbul edib.

InterPress.ge xəbər verir ki ,qərar aşağıdakı təşkilatlara aiddir:

• “Vətəndaş Cəmiyyətinin Fondu”

• “Ədalətli Seçkilər və Demokratiyanın Beynəlxalq Cəmiyyəti”

• “Məlumat Azadlığının İnkişafı İnstitutu”

• “Demokratiya Müdafiəçiləri”

• “Gürcüstanın Demokratik Təşəbbüsü”

• “Safari”

• “Sosial Ədalət Mərkəzi”

Prokurorluğun açıqlamasına görə, bu addım sabotaj, ağırlaşdırıcı şəraitdə sabotaj cəhdləri, xarici təşkilatların və xarici nəzarət altında olan qurumların düşmən fəaliyyətinə yardım, həmçinin Gürcüstanın konstitusion quruluşuna və milli təhlükəsizliyinə qarşı yönəlmiş fəaliyyət üçün maliyyənin səfərbər edilməsi faktları üzrə aparılan istintaq çərçivəsində atılıb.

İttihamlara əsasən, 2024-cü ildə keçirilən etiraz aksiyaları qısa müddətdə zorakı xarakter alıb, nəticədə parlament binasına və polis texnikasına od vurulub, dövlət və özəl əmlaka ciddi ziyan dəyib. Prokurorluq iddia edir ki, aksiyaların zorakı iştirakçıları xüsusi vasitələrlə – qaz maskaları, qoruyucu eynəklər, üz maskaları, bibərlər spreyi və s. – məhz qeyd olunan QHT-lərin maliyyəsi hesabına təchiz olunublar.

Məlumatda deyilir ki, bu təşkilatlar təkcə vətəndaş itaətsizliyinə çağırış etməklə kifayətlənməyib, həm də etirazlarda iştirak edən şəxslərə və onların ailələrinə maliyyə dəstəyi göstəriblər – cərimələrin ödənilməsi, müdafiə xərclərinin qarşılanması və digər yardımlar. Prokurorluq bunu “qanunsuz hərəkətlərin stimullaşdırılması və hüquq-mühafizə orqanlarının fəaliyyətinin zəiflədilməsi” cəhdi kimi qiymətləndirir.

Məhkəmənin 27 avqust tarixli qərarı ilə həmin təşkilatların bank hesablarına həbs qoyulub və onların maliyyə vəsaitlərindən istifadəsi məhdudlaşdırılıb.

Prokurorluq ictimaiyyətə bildirib ki, istintaq davam edir və nəticələr barədə əlavə məlumat veriləcək.

Xəbəri qiymətləndir
Məqalənin müəllifiInterPress

Son xəbərlər

Kobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirSon xəbərlərə bax →