Zurabişvili müxalif partiyalara müraciət etdi: “Əsas vəzifəmiz Gürcüstanın müstəqilliyini qorumaqdır”

Gürcüstanın beşinci prezidenti Salome Zurabişvili yerli özünüidarəetmə seçkilərində iştirak edən siyasi qüvvələrə müraciət edib.

Zurabişvili bildirib ki, ölkədə baş verən proseslər fonunda sadəcə seçki kampaniyası aparmaq kifayət deyil:

“Seçkilərdə iştirak edən partiyalara müraciət etmədən qala bilmərəm. Haradayıq biz, haradadır ölkə? Hansı seçki kampaniyasından danışırıq ki, kimisə inandıraq bu seçkilərin nəyisə dəyişəcəyinə? Bizim əsas vəzifəmiz ölkənin gələcəyini, Gürcüstanın müstəqilliyini qorumaqdır”.