Qardabani merliyinə namizəd Davit Qarqarateli seçicilərlə görüş keçirib

“Gürcü Arzusu” partiyasının Qardabani merliyinə namizədi Davit Qarqarateli seçki kampaniyası çərçivəsində parlament üzvü Savalan Mirzoyev və komandası ilə birlikdə Kosalı inzibati vahidində seçicilərlə görüş keçirib.

Görüş zamanı sakinlərə majoritar namizəd İslam Məmmədov təqdim olunub. O, Qardabani Bələdiyyə Məclisində ikinci müddət üçün onların nümayəndəsi olacaq.

Qarqaratelinin sözlərinə görə, görüşdə 2025-ci il yerli seçkilərində qələbənin əhəmiyyəti və vətəndaşların prosesdə fəal iştirakı xüsusi olaraq vurğulanıb. Namizədlər seçicilərə öz planlarını təqdim edib və onların suallarını cavablandırıblar.

“Gürcüstana sülh, Qardabaniyə daha çox inkişaf arzulayırıq”, – deyə Davit Qarqarateli qeyd edib.