Parlament bu gün Dövlət Təhlükəsizlik Xidmətinin rəhbərini seçəcək

Bu gün, 3 sentyabr tarixində keçiriləcək parlament iclasında Dövlət Təhlükəsizlik Xidmətinin (DTX) yeni rəhbəri seçiləcək.

Hakimiyyətin qərarına əsasən, bu vəzifəyə Mamuka Mdinaradzenin namizədliyi irəli sürülüb. Məsələ artıq müzakirə üçün parlamentə təqdim olunub və Müdafiə və Təhlükəsizlik Komitəsinə göndərilib. Komitə iclası sessiyanın başlamasından əvvəl – səhər saatlarında keçiriləcək.

Qeyd edək ki, parlament daha əvvəl Dövlət Təhlükəsizlik Xidmətinin rəhbəri Anri Oxanaşvilinin istefasını və onun səlahiyyətlərinin vaxtından əvvəl dayandırılmasını rəsmən tanıyıb.

Xatırladaq ki, Anri Oxanaşvili bu vəzifəyə 2025-ci ilin aprelində, 6 illik müddətə seçilmişdi, lakin avqust ayında istefa verdiyini açıqlamışdı.