Mixeil Kavelaşvili ABŞ-a səfər edib

Mixeil Kavelaşvili ABŞ-a işgüzar səfərə yola düşüb.

InterPress.ge xəbər verir ki, bu barədə Prezidentin mətbuat xidməti məlumat yayıb.

Məlumata əsasən, Kavelaşvili Nyu-Yorkda BMT Baş Assambleyasının 80-ci sessiyasında çıxış edəcək.

Səfər çərçivəsində yüksək səviyyəli ikitərəfli görüşlərin keçirilməsi nəzərdə tutulub. Gürcüstan Prezidenti BMT-nin Baş katibi Antonio Quterreşlə görüşəcək.

Bundan əlavə, Prezident ABŞ Prezidenti Donald Tramp və həyat yoldaşı Melania Trampın adından BMT Baş Assambleyasının 80-ci sessiyasında iştirak edən nümayəndə heyətlərinin rəhbərlərinin şərəfinə təşkil olunacaq rəsmi qəbulda iştirak edəcək.

Qeyd edək ki, Mixeil Kavelaşvili ABŞ-da 21–26 sentyabr tarixlərində səfərdə olacaq.