Gürcüstan BƏƏ ilə iqtisadi və mədəni əməkdaşlığı genişləndirəcək

Gürcüstan xarici işlər naziri Maka Boçorişvili Nyu-Yorkda Birləşmiş Ərəb Əmirliklərinin (BƏƏ) Baş nazirinin müavini-xarici işlər naziri şeyx Abdullah bin Zaid ilə danışıqlar aparıb.

InterPress.ge-nin məlumatına görə, bu barədə Maka Boçorişvili "X" sosial şəbəkəsindəki hesabında paylaşım edib.

Görüş BMT Baş Assambleyasının 80-cı iclası çərçivəsində keçirilib.

Onlar ikitərəfli münasibətlərin inkişafını müsbət qiymətləndiriblər, əsas diqqət iqtisadi və mədəni əməkdaşlığın daha da genişləndirilməsinə yönəldilib.