Orban: “Gürcüstan Avropanın ən uğurlu ölkəsidir”

Gürcüstan Avropanın ən uğurlu ölkəsidir.

InterPress.ge xəbəe verir ki, bu fikirləri Macarıstanın Baş naziri Viktor Orbán Kopenhagendə Avropa Siyasi Birliyi Sammitinin başlanmasından əvvəl səsləndirib.

Viktor Orbán-ın sözlərinə görə, o, sammit çərçivəsində Gürcüstanın Baş naziri İrakli Kobaxidze ilə görüşəcək.

“Belə uğurlu başqa ölkə tanımıram. İqtisadiyyat çox sürətlə inkişaf edir. Biz heyranıq və öyrənirik ki, necə bu qədər uğurlu ola bilirsiniz. Avropaya uğurlu ölkələr lazımdır. Təəssüf ki, çoxlarımızın iqtisadiyyatı durğunluq yaşayır. Bizə Gürcüstan kimi ölkələrin üzvlüyü lazımdır”, – deyə Viktor Orbán vurğulayıb.