Daxili İşlər Nazirliyi 4 oktyabr hadisələri ilə bağlı daha bir şəxsi saxlayıb

Gürcüstan Daxili İşlər Nazirliyinin Mərkəzi Kriminal Polis Departamenti 4 oktyabrda Tbilisidə baş vermiş hadisələrlə bağlı aparılan istintaq çərçivəsində daha bir nəfəri – N.S.-ni saxlayıb.

InterPress.ge xəbər verir ki, bu barədə məlumatı DİN yayıb.

Nazirliyin açıqlamasına görə, hüquq-mühafizə orqanları hazırda cinayətdə iştirak etmiş digər şəxslərin müəyyən edilməsi və onların məsuliyyətə cəlb olunması istiqamətində istintaq tədbirlərini davam etdirir.

“İstintaq Gürcüstan Cinayət Məcəlləsinin 317-ci, 222-ci, 225-ci və 187-ci maddələri üzrə aparılır. Daxili İşlər Nazirliyi bu cinayət işi ilə bağlı əlavə məlumatları mərhələli şəkildə ictimaiyyətə təqdim edəcək,” – deyə rəsmi məlumatda qeyd olunur.