Mixeil Saakaşvili: “İndi dayanmaq ölümə bərabərdir”

Gürcüstanın üçüncü prezidenti Mixeil Saakaşvili sosial şəbəkədə yaydığı bəyanatda bildirib ki, 4 oktyabr hadisələrinin nəticələri bir daha göstərdi — “indi dayanmaq ölümə bərabərdir”.

Saakaşvili öz çıxışında aksiyaların nəticələrini bir neçə məqamda dəyərləndirib:

“4 oktyabrın nəticələri bunlardır:

1️⃣ Xüsusi əməliyyat iflasa uğradı, boykot isə kriminal rejimin dayaqlarını daha da sarsıtdı.

2️⃣ Bəzi siyasi qüvvələrin mahiyyəti üzə çıxdı – görünür, kimlər İvanişvilinin ikinci müdafiə xəttidir, kimlər onun adından danışır və oliqarxın pulları ilə kollaborasiyanı haqq qazandırmağa, etiraz hərəkatını gözdən salmağa çalışır.

3️⃣ Boykota o qüvvələr də qoşuldu ki, əvvəllər Genzin yanında görünmürdülər, lakin bu dəfə Genzin aktivliyi nisbətən zəif idi.

4️⃣ Etirazlarda tələblər daha kəskin və sərt şəkildə ifadə olundu.

5️⃣ Bəzi təxribatlar baş verdi, amma indi bunlardan danışmaq əsas məsələdən diqqəti yayındırmaq olardı.”

Saakaşvili bəyanatını belə tamamlayıb:

“Və nəhayət – indi dayanmaq ölümə bərabərdir!”

Keçmiş prezidentin bu açıqlaması 4 oktyabr hadisələrinin nəticələrinə dair onun ilk ictimai reaksiyası kimi qiymətləndirilir və o, bu bəyanatla etiraz hərəkatının davam etdirilməsi çağırışını bir daha təsdiqləyib.