Şalva Papuaşvili: “Aydın deyil, dərk edirlərmi ki, ‘sülh layihəsi’ getdikcə ‘müharibə layihəsinə’ çevrilir”

Gürcüstan Parlamentinin sədri Şalva Papuaşvili Avropa İttifaqının siyasətinə və Macarıstanın baş naziri Viktor Orbanın bəyanatına münasibət bildirib. Orban daha əvvəl demişdi ki, “Brüsselin müharibə planlarına qarşı imzaların toplanmasına başlayırıq”.

Papuaşvili qeyd edib ki, Avropa İttifaqının paytaxtlarında bəziləri hələ də anlamır ki, “sülh layihəsi” artıq “müharibə layihəsinə” bənzəməyə başlayıb.

“Bilmirəm, Avropa İttifaqının paytaxtlarında nə dərəcədə dərk edirlər ki, onların ‘sülh layihəsi’ getdikcə ‘müharibə layihəsinə’ çevrilir. Bu barədə Avropa İttifaqının liderləri özləri düşünməlidirlər. Amma bir fakt var – Tbilisinin küçə qarşıdurmalarının arxasında Brüssel dayanır,” – deyə Papuaşvili bəyan edib.