Bizimlə əlaqəHaqqımızda—
Ən son:
TVCANLI

İrakli Kobaxidze: “Gürcüstanda ali təhsildə 3+1 sistemi tətbiq olunmalıdır”

504
İrakli Kobaxidze: “Gürcüstanda ali təhsildə 3+1 sistemi tətbiq olunmalıdır”
Dinləmək üçün basın

"Hökumət ali təhsil sistemində yeni 3+1 modelinə keçidi planlaşdırır. Yeni sistemə əsasən, 3 il bakalavr, 1 il isə magistratura səviyyəsinə ayrılacaq."

"Hökumət ali təhsil sistemində yeni 3+1 modelinə keçidi planlaşdırır. Yeni sistemə əsasən, 3 il bakalavr, 1 il isə magistratura səviyyəsinə ayrılacaq."

InterPress.ge xəbər verir ki, bu barədə Gürcüstanın baş naziri İrakli Kobaxidze bildirib.

Kobaxidze bu barədə təhsil islahatlarının təqdimatı zamanı danışıb və qeyd edib ki, həm bakalavr, həm də magistratura proqramlarının dəqiq məqsədləri olmalıdır, bu isə hazırda təmin edilməyib.

“Biz müəyyən analiz apardıq və hesab edirik ki, istisna ixtisaslar xaric, ali təhsildə 3+1 sisteminə keçmək məqsədəuyğundur. Üç il bakalavr səviyyəsi, bir il isə magistratura üçün kifayətdir. Əlbəttə, tibb və bu kimi sahələr istisnadır, lakin digər hallarda üç il bakalavr təhsili və bir il magistr təhsili üçün tam yetərlidir,” – deyə baş nazir bildirib.

O, həmçinin əlavə edib ki, hökumət orta məktəb səviyyəsində də islahatlar planlaşdırır və tədris müddətinin 11 illik sistemə keçidi müzakirə olunur.

Kobaxidzenin sözlərinə görə, hazırkı təhsil müddəti fakültələr və ixtisaslar üzrə elmi əsaslandırmaya söykənmir.

“Tədris müddəti müxtəlif fakültələrdə və ixtisaslarda dərin elmi təhlilə əsaslanmır. Vaxtilə müəyyən sistem qəbul olundu və o vaxtdan heç kim bu müddətə yenidən baxmağı düşünməyib. Bundan əlavə, ali təhsildə keyfiyyətin idarəedilməsi sistemi də səmərəli deyil — əsasən formal xarakter daşıyır. Dövlət ali təhsildə keyfiyyətin təminatına məsuliyyət daşıyır, lakin bu sahədə ciddi boşluqlar var və biz buraya da ciddi dəyişikliklər planlaşdırırıq,” – deyə Kobaxidze vurğulayıb.

Xəbəri qiymətləndir
Məqalənin müəllifiInterPress

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →