Rustavidə iki nəfər qəsdən adam öldürməyə cəhddə və zorakılıqda ittiham olunaraq saxlanılıb

Gürcüstan Daxili İşlər Nazirliyinin Kvemo Kartli Polis Departamentinin Rustavi Şəhər İdarəsinin əməkdaşları isti izlərlə keçirdikləri əməliyyat-axtarış tədbirləri nəticəsində qəsdən adam öldürməyə cəhd və zorakılıq faktı ilə bağlı əvvəllər məhkum olunmuş iki şəxsi saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb. 

Nazirliyin məlumatına görə, saxlanılan şəxslər 1977-ci il təvəllüdlü Z.E. və 1991-ci il təvəllüdlü N.N.-dir. Cinayət 15 ilədək azadlıqdan məhrumetmə ilə cəzalandırılır.

“İstintaqla müəyyən edilib ki, Rustavidə məişət zəminində yaranmış mübahisə zamanı təqsirləndirilən şəxslər 1976-cı il təvəllüdlü T.K.-ni döyüblər. Hadisə zamanı Z.E. soyuq silahla zərərçəkmişin qarın və ayaq nahiyəsinə bıçaq zərbələri endirib, daha sonra hər iki şəxs hadisə yerindən qaçıb.

Polis əməkdaşları Z.E. və N.N.-ni qısa müddətdə saxlayıblar. Yaralı tibbi yardım göstərilməsi üçün klinikaya aparılıb,” – deyə DİN-in məlumatında qeyd olunur.

Faktla bağlı istintaq Gürcüstan Cinayət Məcəlləsinin 19-108 və 126-cı maddələri ilə aparılır.