Bizimlə əlaqəHaqqımızda—
Ən son:
TVCANLI

Tbilisidə saxta “Jacobs Monarch” və “Raffaello” məhsulları istehsal edən iki nəfər saxlanılıb

487
Tbilisidə saxta “Jacobs Monarch” və “Raffaello” məhsulları istehsal edən iki nəfər saxlanılıb
Dinləmək üçün basın

Gürcüstan Maliyyə Nazirliyinin İstintaq Xidməti böyük miqdarda başqa şəxslərə məxsus əmtəə nişanlarının qanunsuz hazırlanması və istifadəsi faktı üzrə iki nəfərin saxlanıldığını bildirib.

Gürcüstan Maliyyə Nazirliyinin İstintaq Xidməti böyük miqdarda başqa şəxslərə məxsus əmtəə nişanlarının qanunsuz hazırlanması və istifadəsi faktı üzrə iki nəfərin saxlanıldığını bildirib.

Məlumata görə, Gürcüstan Baş Prokurorluğu ilə koordinasiyada aparılan əməliyyat-axtarış və istintaq tədbirləri nəticəsində əvvəlcədən razılaşaraq qrup halında hərəkət edən G.A. və F.D. adlı Gürcüstan vətəndaşları məsuliyyətə cəlb olunublar.

İstintaq müəyyən edib ki, təqsirləndirilən şəxslər maddi gəlir əldə etmək məqsədilə Tbilisi şəhərində kustar üsulla fəaliyyət göstərən sex təşkil ediblər. Onlar burada əsasən qəhvə və şirniyyat məhsulları istehsal edir, daha sonra həmin məhsullara “Raffaello” və “Jacobs Monarch” markalarının adlarını qanunsuz şəkildə vuraraq satışa çıxarırdılar.

Aparılmış istintaq tədbirləri nəticəsində satış üçün hazırlanmış 10 000-dən çox “Jacobs Monarch” markalı saxta birdəfəlik qəhvə və 2 400-dən çox “Raffaello” markalı saxta şirniyyat müsadirə olunub.

Axtarış zamanı həmçinin “Jacobs Monarch” və “Carte Noire” markalarının adı ilə saxta etiket lentləri, “Kinder Schokolade” markalı vaxtı keçmiş şirniyyat, “Jacobs Monarch” və “Raffaello” qutuları, formalar, möhürlər və saxta məhsulların qablaşdırılması və istehsalı üçün nəzərdə tutulan texniki avadanlıqlar aşkarlanıb.

Hazırda istintaq həm bu cinayət fəaliyyətində iştirak etmiş digər şəxslərin, həm də saxta məhsulların satıldığı obyektlərin müəyyənləşdirilməsi istiqamətində davam edir.

Faktla bağlı cinayət işi Gürcüstan Cinayət Məcəlləsinin 196-cı maddəsinin 3-cü bəndi ilə aparılır. Bu maddə 3 ildən 5 ilədək azadlıqdan məhrumetmə cəzasını nəzərdə tutur.

Xəbəri qiymətləndir
Məqalənin müəllifiInterPress

Son xəbərlər

Kobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirSon xəbərlərə bax →