Nikol Paşinyan: “Kobaxidze ilə məhsuldar görüş keçirdik – Ermənistan və Gürcüstan strateji tərəfdaşlardır”

Ermənistanın baş naziri Nikol Paşinyan Tbilisidə Gürcüstanın baş naziri İrakli Kobaxidze ilə keçirilən görüş barədə sosial şəbəkə X üzərindən paylaşım edib.

Paşinyanın sözlərinə görə, danışıqlarda Ermənistan–Gürcüstan strateji tərəfdaşlığının əsas istiqamətləri – ticarət, infrastruktur və mədəniyyət sahələrində əməkdaşlıq, həmçinin regional əməkdaşlığın perspektivləri müzakirə olunub.

“Tbilisidə Gürcüstanın baş naziri İrakli Kobaxidze ilə məhsuldar görüş keçirdim. Biz Ermənistan–Gürcüstan strateji tərəfdaşlığını ticarət, infrastruktur və mədəniyyət sahələrində, eləcə də regional əməkdaşlıq imkanlarını müzakirə etdik. Aktiv siyasi dialoqumuzu və dostluğumuzu yüksək qiymətləndirirəm,” – deyə Nikol Paşinyan qeyd edib.