İsrail Qəzza sektoruna yeni zərbələr endirib

İsrail Qəzza zolağında yenidən hava hücumlarına başlayıb. BBC-nin məlumatına görə, bu, tərəflərin bir-birini atəşkəsi pozmaqda ittiham etməsindən sonra baş verib.

Xəbərə əsasən, zərbələr İsrailin baş naziri Benyamin Netanyahunun “güclü hücumların” başlanması barədə verdiyi göstərişdən sonra həyata keçirilib.

Bundan əvvəl Netanyahunun ofisi açıqlamışdı ki, “Hamas”ın İsrailə təhvil verdiyi meyit daha bir girovun deyil, 2023-cü ilin sonunda İsrail qüvvələri tərəfindən tapılmış Ofir Tsarfatinin cəsədidir.

“Hamas” tərəfindən idarə olunan mülki müdafiə agentliyinin məlumatına görə, İsrailin hücumları nəticəsində 9 nəfər həlak olub.