Ermənistan Türkiyədən Azərbaycana və əks istiqamətdə tranzitə hazır olduğunu açıqladı

Ermənistan Türkiyədən Azərbaycana və Azərbaycandan Türkiyəyə yüklərin Marqaradan və Kornidzor istiqamətindən tranzitinin təmin edilməsinə, hətta bu gündən etibarən hazır olduğunu bəyan edib.

InterPress.ge xəbər verir ki, bu barədə Ermənistanın baş naziri Nikol Paşinyan Yerevanda keçirilən “Dünyanın qovşağı: regional kommunikasiyaların inkişafı” adlı konfransda çıxışı zamanı bildirib.

Paşinyanın sözlərinə görə, belə təklifin indi irəli sürülməsinin səbəbi mövcud infrastrukturun hazır vəziyyətdə olmasıdır. O bildirib ki, siyasi baxımdan da prosesə hazırdırlar, lakin bəzi sahələrdə əlavə investisiyaların həyata keçirilməsi tələb olunur.