Azərbaycanın Daxili İşlər Naziri Vilayət Eyvazov Tbilisidə rəsmi səfərdədir

Gürcüstanın daxili işlər naziri Geka Geladzenin dəvəti ilə Azərbaycanın daxili işlər naziri Vilayət Eyvazov nümayəndə heyəti ilə birlikdə Tbilisiyə rəsmi səfər edib.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib. 

Məlumata görə, səfər çərçivəsində iki ölkənin daxili işlər nazirləri geniş formatda görüş keçirəcəklər və Gürcüstan ilə Azərbaycan Respublikası arasında hüquq-mühafizə sahəsində mövcud əməkdaşlığın daha da dərinləşməsinə xidmət edən sazişə imza atacaqlar.

Bundan əlavə, Azərbaycanın daxili işlər naziri Vilayət Eyvazov və nümayəndə heyəti Gürcüstan Daxili İşlər Nazirliyinin polis bölmələrini ziyarət edəcək və onların fəaliyyətinə yerindəcə tanış olacaqlar.