Bizimlə əlaqəHaqqımızda—
Ən son:
TVCANLI

Kobaxidze: “BBC tamamilə yalan məlumat yaydı – ‘kamit’ adlı maddə ümumiyyətlə istifadə olunmayıb”

192
Kobaxidze: “BBC tamamilə yalan məlumat yaydı – ‘kamit’ adlı maddə ümumiyyətlə istifadə olunmayıb”
Dinləmək üçün basın

Gürcüstanın Baş naziri İrakli Kobaxidze BBC-nin hökumət əleyhinə etirazların dağıdılması zamanı Birinci Dünya müharibəsi dövrünə aid “kamit” adlı kimyəvi maddənin tətbiqi barədə yayımladığı araşdırmaya münasibət…

 

Gürcüstanın Baş naziri İrakli Kobaxidze BBC-nin hökumət əleyhinə etirazların dağıdılması zamanı Birinci Dünya müharibəsi dövrünə aid “kamit” adlı kimyəvi maddənin tətbiqi barədə yayımladığı araşdırmaya münasibət bildirib.

InterPress.ge xəbər verir ki, Baş nazir jurnalistlərlə söhbətində bəyan edib ki, BBC-nin iddiaları “tamamilə yalan və faktlarla ziddiyyətlidir”.

Kobaxidzenin sözlərinə görə, BBC bu mövzuda “sahib olduğu ciddi reputasiyanı itirərək, saxta televiziya standartlarına enib”:

“BBC vaxtilə yüksək nüfuza sahib media idi, amma bu gün təəssüf ki, belə əməllərə əl atır. BBC-nin vasitəsilə tam yalan məlumat yayıldı. Beynəlxalq media yerli ‘fake televiziyaların’ standartları ilə hərəkət etməməlidir, amma artıq görürük ki, standartlar eyni səviyyəyə düşüb.”

Baş nazir bildirib ki, təqdim olunan məlumatlar faktlara əsaslanmır və yaxın vaxtlarda Daxili İşlər Nazirliyi məsələ ilə bağlı geniş açıqlama verəcək:

“Faktlarla sübut olunur ki, yayılan iddialar tamamilə yanlışdır. BBC nəyin ‘qarışdırıldığına’ dair yalan danışıb. Konkret olaraq ‘kamit’ maddəsi heç vaxt istifadə edilməyib. Bu, sadəcə saxtadır.”

Kobaxidze BBC-nin araşdırmanın əsas mənbələrindən biri kimi həkim Çaxunaşvilinin fikirlərinə istinad etməsini “məsuliyyətsiz yanaşma” adlandırdı:

“BBC-nin Çaxunaşvilinin açıqlamalarına əsaslanması standartlarının nə qədər aşağı düşdüyünü göstərir. Hamıya məlumdur ki, Çaxunaşvili və atası radikal aksiyaların fəal iştirakçılarıdır. BBC bizim göndərdiyimiz detallı məlumatı deyil, onların bəyanatlarını əsas götürdü.”

Baş nazir bildirdi ki, sözügedən maddələrin bir qismi 2009-cu ildə satın alınıb və BBC-nin iddia etdiyi maddə həmin tərkibdə ümumiyyətlə yoxdur:

 

“DİN yaxın günlərdə heç bir əsasın olmadığını tam şəkildə açıqlayacaq. BBC-nin ‘kamit’lə bağlı iddiası yalandır. Maddə ola bilər su şırnağına əlavə edilsin, amma BBC maddənin adını saxtalaşdırıb. ‘Kamit’ ümumiyyətlə istifadə olunmayıb.”

Xatırladırıq ki, BBC-nin araşdırması Gürcüstan hakimiyyətinin 2024-cü ildə etirazçıların dağıdılması zamanı Birinci Dünya müharibəsi dövründə istifadə edilmiş “kamit” adlı maddəni tətbiq etmiş ola biləcəyini iddia edirdi. Araşdırma nümayişçilərin göz yanması, nəfəs darlığı, öskürək və uzunmüddətli qusma kimi simptomlarla əlaqələndirilirdi və kimyəvi silah üzrə ekspertlərin fikirlərinə istinad edilirdi.

Xəbəri qiymətləndir
Məqalənin müəllifiAysel İsmayılova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →