Netanyahu: İran İsrailə hücum edərsə, cavab misli görünməmiş olacaq

İran İsrailə hücum edəcəyi təqdirdə, İsrail buna son dərəcə sərt cavab verəcək.

InterPress.ge xəbər verir ki, bunu İsrailin Baş naziri Benyamin Netanyahu bildirib.

Baş nazirin sözlərinə görə, “İran oxu yenidən toparlanmağa çalışır, lakin biz buna imkan verməyəcəyik”.

“Əgər İran ciddi səhvə yol verərək İsrailə hücum edərsə, biz elə bir güclə cavab verəcəyik ki, İran indiyədək belə bir qarşılıq görməyib”, – deyə Benyamin Netanyahu vurğulayıb.

O həmçinin qeyd edib ki, İsrail ABŞ ilə daimi əlaqə saxlayır.

“ABŞ bizimlə davamlı təmasdadır. Biz tam şəkildə məlumatlandırılmışıq”, – deyə İsrailin baş naziri əlavə edib.