İrakli Kobaxidze: Avropa bürokratiyası ikili standartlar tətbiq edir

"Avropa bürokratiyası ikili standartlar tətbiq edir."

InterPress.ge xəbər verir ki, bu barədə Baş naziri İrakli Kobaxidze jurnalistlərə açıqlamasında bildirib.

Baş nazirin sözlərinə görə, Avropa strukturları açıq şəkildə Rusiya ilə birbaşa dialoqun zəruriliyindən danışmağa başlayıb, halbuki indiyədək Gürcüstanla birbaşa dialoq bərpa edilməyib. O qeyd edib ki, buna səbəb kimi “Gürcüstanın guya prorusiya və ya rusiyapərəst hakimiyyətə malik ölkə” kimi təqdim olunması göstərilir.

İrakli Kobaxidze vurğulayıb ki, bu yanaşma Avropa bürokratiyasında standartların nə dərəcədə aşağı düşdüyünü açıq şəkildə göstərir. Baş nazir ümid etdiyini bildirib ki, Rusiya ilə birbaşa dialoqun bərpasından sonra Avropa tərəfi Gürcüstanla da birbaşa dialoqu bərpa edə biləcək.

“Bu, Avropa bürokratiyasının nümayiş etdirdiyi açıq ikili standartlardır. Gəlin görək, ümid edirik ki, Rusiya ilə birbaşa dialoq bərpa olunduqdan sonra Gürcüstanla da birbaşa dialoqun bərpası mümkün olacaq”, – deyə Baş nazir qeyd edib.