Bizimlə əlaqəHaqqımızda—
Ən son:
TVCANLI

Şaraşidze: 6 ildən köhnə avtomobillərin idxalına qadağa indiki şəraitdə əsassızdır

283
Şaraşidze: 6 ildən köhnə avtomobillərin idxalına qadağa indiki şəraitdə əsassızdır
Dinləmək üçün basın

"Baş nazir İrakli Kobaxidzenin 6 ildən artıq yaşı olan avtomobillərin idxalının məhdudlaşdırılması təşəbbüsü, ölkədə normal ictimai nəqliyyat sistemi olmadığı və əhalinin böyük hissəsinin sosial çətinliklər yaşadığı…

"Baş nazir İrakli Kobaxidzenin 6 ildən artıq yaşı olan avtomobillərin idxalının məhdudlaşdırılması təşəbbüsü, ölkədə normal ictimai nəqliyyat sistemi olmadığı və əhalinin böyük hissəsinin sosial çətinliklər yaşadığı şəraitdə əsassızdır."

InterPress.ge xəbər verir ki, bu barədə “Qaxaria Gürcüstan üçün” partiyasının deputatı Qiorqi Şaraşidze bildirib.

Deputatın sözlərinə görə, vətəndaşların əksəriyyəti nəinki yeni avtomobil almaq imkanına malikdir, hətta qidalanma, səhiyyə kimi əsas məişət problemləri ilə üz-üzədir.

Şaraşidze qeyd edib ki, belə təşəbbüslə çıxış edən hakim komandanın üzvlərinin əksəriyyəti yüksək dəyərli, bəzi hallarda 200 min laridən baha avtomobillərdən istifadə edir və onların ailə avtoparklarının ümumi dəyəri milyonlarla ölçülür.

Deputat hesab edir ki, daha məqsədəuyğun variant yaş məhdudiyyətinə mərhələli keçid olardı. Onun təklifinə görə, 6 ildən köhnə avtomobillərə daha yüksək rüsum tətbiq edilə, 10 ildən artıq yaşı olan avtomobillərin isə idxalı tam qadağan edilə bilərdi.

Şaraşidze əlavə edib ki, iqtisadi artım əhalinin rifahına deyil, məhdud sayda ailələrin maraqlarına xidmət etdiyi bir şəraitdə istənilən qadağa və məhdudiyyət öz məntiqini itirir.

Qeyd edək ki, Baş nazir İrakli Kobaxidze hökumətin iclasında bildirib ki, ölkəyə 6 ildən artıq yaşı olan avtomobillərin gətirilməsi qadağan ediləcək. Onun sözlərinə görə, 2012-ci ildə Gürcüstanda 864 min avtomobil qeydiyyatda olduğu halda, bu göstərici hazırda 2 milyonu ötüb.

Xəbəri qiymətləndir
Məqalənin müəllifiAysel İsmayılova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →