Bizimlə əlaqəHaqqımızda—
Ən son:
TVCANLI

Zurabişvili: “Gürcüstan beynəlxalq münasibətlərdə passiv obyektə çevrilib”

263
Zurabişvili: “Gürcüstan beynəlxalq münasibətlərdə passiv obyektə çevrilib”
Dinləmək üçün basın

Gürcüstan beynəlxalq münasibətlərdə passiv obyektə çevrilib və bu, ciddi narahatlıq doğurur.

 

Gürcüstan beynəlxalq münasibətlərdə passiv obyektə çevrilib və bu, ciddi narahatlıq doğurur.

InterPress.ge xəbər verir ki, bu barədə Salome Zurabişvili Monocle Radio-ya müsahibəsində bildirib.

Onun sözlərinə görə, ABŞ və Avropa kontekstində Gürcüstan “xəritədən silinib”.

“Təəssüf ki, ABŞ və Avropa baxımından Gürcüstan xəritədən silinib və bu, böyük narahatlıq yaradır. Xəritədən silinmək Gürcüstan üçün həm regionda, həm də regiondan kənarda öz tarixi rolunun itirilməsi deməkdir. Rusiya isə yenə öz ənənəvi üslubunda davranır. O, yalnız hakimiyyətə deyil, qəbul edilən qanunlara da nəzarət edir. Sanksiyalardan yayınma halları daha tez-tez baş verir. Rus nefti üçün Gürcüstan limanından istifadə olunur və bu fakt sonradan Avropa İttifaqı tərəfindən müəyyən edilib. Rusiya heç vaxt tam qane olmayacaq, lakin Ukraynadakı kimi baha başa gələn hərbi müdaxilə olmadan dövləti necə nəzarətdə saxlamaq üçün yeni strategiya tapıb”, – deyə Zurabişvili bildirib.

Avropalı müttəfiqlərin növbəti altı ay ərzində Gürcüstanın Avropa yoluna qayıtması üçün nə etməli olduqları barədə suala cavabında Zurabişvili qeyd edib ki, gürcülər ilk növbədə özlərinə arxalanmalı olduqlarını dərk edirlər.

“Gördük ki, Avropa İttifaqının alətləri var və o, bunlardan Gürcüstan vətəndaş cəmiyyətini dəstəkləmək üçün istifadə etməyə hazırdır. Lakin əlavə addımlar da mümkündür. Gürcüstan hüdudlarından kənarda daha çox iş görülə bilər. Ölkədəki vəziyyətin daha düzgün təqdim olunması üçün Avropa yolunun dayandırılmasına etiraz olaraq vəzifələrini tərk etmiş diplomatlara dəstək verilməlidir. Onlara Brüsseldə analitik mərkəz yaratmaqda kömək etmək olar ki, Gürcüstan düzgün yola qayıtdıqdan sonra Avropa inteqrasiyasının perspektivləri üzərində işləsinlər. Eyni zamanda jurnalistlərə, fəallara və gənc tələbələrə də dəstək göstərilməlidir”, – deyə Salome Zurabişvili qeyd edib.

Xəbəri qiymətləndir
Məqalənin müəllifiAysel İsmayılova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →