Beynəlxalq media: Ayətullah Əli Xamenei öldürülüb

İsrailin ABŞ-dakı səfiri Yehiel Leyter Vaşinqtonda yüksək vəzifəli amerikalı rəsmilərə Ayətullah Əli Xameneinin öldürüldüyünü bildirib.

InterPress.ge xəbər verir ki, bu barədə Axios nəşrinin jurnalisti Barak Ravid sosial şəbəkədə məlumat yayıb.

“İsrailin ABŞ-dakı səfiri Yehiel Leyter Vaşinqtonda yüksək səviyyəli rəsmilərə Xameneinin ləğv edildiyini çatdırıb”, – deyə Ravid X platformasında yazıb.

İsrailin 12-ci kanalının məlumatına görə, Baş nazir Benyamin Netanyahuya İranın ali liderinin ölümünə dair sübutlar təqdim edilib.

Bundan əlavə, İsrailli rəsmi şəxs Reuters agentliyinə Xameneinin cəsədinin tapıldığını bildirib.

Qeyd edək ki, İran tərəfi bu məlumatı hələlik rəsmi şəkildə təsdiqləməyib.