Pakistanda yüzlərlə etirazçı ABŞ konsulluğuna daxil olub, ölənlər var

Pakistanın liman şəhəri Karaçidə yüzlərlə etirazçı ABŞ-ın Baş Konsulluğunun binasına daxil olub.

InterPress.ge-nin xarici mediaya istinadən məlumatına görə, polis ilə toqquşmalar nəticəsində azı 6 nəfər həlak olub.

Eyni zamanda, Edhi Fondunun xilasetmə xidmətinin sözçüsü Məhəmməd Amin AFP agentliyinə bildirib ki, ölənlərin sayı 8 nəfərdir, 20 nəfər isə yaralanıb.

Karaçi polisinin məlumatına əsasən, etirazçılar dağıdılıb və vəziyyət nəzarət altındadır.

Konsulluq binasına hücum ABŞ və İsrailin İrana zərbələr endirməsi və İranın ali dini lideri Ayətullah Əli Xameneinin öldürülməsi barədə məlumatlardan sonra baş verib.