Yaxın Şərqdə müharibə fonunda neftin qiyməti 100 dolları keçib

Yaxın Şərqdə davam edən hərbi əməliyyatlar fonunda dünya bazarında neftin qiyməti kəskin artaraq bir barel üçün 100 ABŞ dollarını keçib.

InterPress.ge xəbər verir ki, bu barədə BBC məlumat yayıb.

Məlumata görə, İran ilə ABŞ və İsrail arasında müharibənin eskalasiyası Hörmüz boğazından keçən neft daşımalarında uzunmüddətli fasilələr ola biləcəyi ilə bağlı narahatlıq yaradıb ki, bu da yanacaq qiymətlərinə təsir göstərir.

Media məlumatına əsasən, Brent markalı neftin qiyməti təxminən 24% artaraq bir barel üçün 114,74 dollara çatıb.

Qeyd olunur ki, dünya üzrə neft tədarükünün təxminən beşdə biri Hörmüz boğazı vasitəsilə həyata keçirilir. Münaqişə başladıqdan sonra İran boğazı bağlayıb ki, bu da qlobal miqyasda istehlakçılar və biznes üçün qiymətlərin artması riskini artırır.