Tramp: Ayətullah Müctəba Xameneinin İranın ali lideri təyin olunmasından narazıyam

ABŞ prezidenti Donald Tramp bildirib ki, Ayətullah Müctəba Xameneinin İranın ali lideri təyin olunmasından narazıdır.

InterPress.ge xəbər verir ki, Tramp bu barədə New York Post nəşrinin sualını cavablandırarkən danışıb.

Nəşrin İranın yeni ali lideri ilə bağlı planları barədə sualına cavab verən Tramp bildirib ki, hazırda bu barədə danışa bilməz.

“Bunu deyə bilmərəm. Mən ondan narazıyam”, – deyə ABŞ prezidenti qeyd edib.

Tramp həmçinin bildirib ki, İranın nüvə obyektlərinin təhlükəsizliyini təmin etmək üçün quru qoşunlarının göndərilməsi məsələsi hələ gündəmdə deyil.

“Bu barədə hələ heç bir qərar qəbul etməmişik”, – deyə Donald Tramp əlavə edib.