Abbas Araqçi: Hörmüz boğazı yalnız ABŞ, İsrail və onların müttəfiqlərinin gəmiləri üçün bağlanıb

İranın xarici işlər naziri Abbas Araqçi bildirib ki, Hörmüz boğazı yalnız ABŞ, İsrail və onların müttəfiqlərinin gəmiləri üçün bağlanıb.

InterPress.ge xəbər verir ki, iranlı nazirin sözlərinə görə, İranın mövqeyinə əsasən boğaz digər ölkələr üçün açıqdır.

“Bizim baxışımıza görə, boğaz açıqdır. O, yalnız düşmənlərimiz – ölkəmizə qarşı ədalətsiz aqressiya həyata keçirənlər və onların müttəfiqləri üçün bağlanıb”, – deyə Araqçi bildirib.

InterPress.ge-nin məlumatına görə, İran XİN rəhbəri əlavə edib ki, müharibə elə başa çatmalıdır ki, İranın rəqibləri gələcəkdə hücum və aqressiyanı təkrarlamağa cəsarət etməsinlər.

“Biz deyirik ki, atəşkəs istəmirik. Bu, müharibə istədiyimiz üçün deyil. Sadəcə bu dəfə müharibə elə başa çatmalıdır ki, düşmənlərimiz bir daha belə hücum və aqressiyanı təkrarlamağı düşünməsinlər. Məncə, onlar artıq yaxşı dərs alıblar və anlayıblar ki, hansı xalqla qarşı-qarşıyadırlar – özünü müdafiə etməkdən çəkinməyən və lazım gələrsə müharibəni davam etdirməyə hazır olan bir xalqla”, – deyə Abbas Araqçi vurğulayıb.