Donald Tramp: “NATO ölkələri İrana qarşı heç nə etmədi” - SƏS

ABŞ prezidenti Donald Trump NATO ölkələrini İrana qarşı fəaliyyət göstərməməkdə ittiham edib.

InterPress.ge xəbər verir ki, Tramp bu barədə sosial şəbəkədə paylaşım edib.

Onun sözlərinə görə, NATO üzvləri ABŞ-a dəstək verməyib.

“NATO ölkələri bu ‘dəli ölkə’ – İranla bağlı bizə kömək etmək üçün heç nə etmədi. Halbuki İran artıq hərbi baxımdan məhv edilib. ABŞ-ın NATO-dan heç nəyə ehtiyacı yoxdur, amma bu çox vacib məqamı heç vaxt unutmayın”, – deyə Tramp yazıb.

Tramp qeyd edib ki, ABŞ müttəfiqlərindən asılı deyil və bu vəziyyət gələcək münasibətlər baxımından mühüm əhəmiyyət daşıyır.