SEPAH: ABŞ hərbi gəmisinə zərbə endirilib

“SEPAH” ABŞ hərbi gəmisinə zərbə endirildiyini açıqlayıb.

InterPress.ge xəbər verir ki, İran Silahlı Qüvvələrinin birgə komandanlığı – “Xatəm əl-Ənbiya” mərkəzi qərargahının sözçüsü Ebrahim Zolfaqari bildirib ki, hücum Oman ərazisində, Salala limanı yaxınlığında baş verib.

Onun sözlərinə görə, hədəf ABŞ ordusuna məxsus logistik dəstək gəmisi olub.

“İran İslam Respublikasının Silahlı Qüvvələrinin zərbə hədəfi Omanın Salala limanı yaxınlığında ABŞ-ın aqressiv ordusunu dəstəkləyən logistik gəmi olub”, – deyə o qeyd edib.

Bununla yanaşı, Oman rəsmi informasiya agentliyi Salala limanına dron hücumu edildiyini təsdiqləyib. Məlumata görə, hadisə nəticəsində bir nəfər yaralanıb.