Marko Rubio: İran rəhbərliyində fikir ayrılığı mövcuddur

ABŞ dövlət katibi Marko Rubio İran hakimiyyətində müəyyən fikir ayrılıqlarının olduğunu bildirib.

InterPress.ge xəbər verir ki, Rubio bu barədə Good Morning America efirində çıxışı zamanı danışıb.

O, həmçinin ABŞ prezidenti Donald Tramp-ın sosial şəbəkədə qeyd etdiyi “İranda yeni və daha rasional rejimlə aparılan danışıqlar” ifadəsinə aydınlıq gətirməyib.

“Bu insanların kimliyini açıqlaya bilmərəm, çünki bu, onların İran daxilində digər qruplarla münasibətlərinə problem yarada bilər. Əgər hazırda hakimiyyətdə gələcəyə daha rasional baxan insanlar varsa, bu həm bizim, həm onların, həm də bütün dünya üçün yaxşı olar. Amma biz bunun əksinin də mümkün olduğunu nəzərə almalıyıq”, – deyə Rubio bildirib.

Onun sözlərinə görə, İranda elə şəxslər var ki, qeyri-rəsmi danışıqlarda daha konstruktiv mövqe nümayiş etdirirlər.

“Sonda görməliyik ki, məhz bu insanlar hakimiyyətə sahib olacaqlarmı. Aydındır ki, orada elə şəxslər var ki, bizimlə əvvəllər hakimiyyətdə olanlardan fərqli şəkildə danışırlar”, – deyə ABŞ dövlət katibi əlavə edib.