Marko Rubio: ABŞ İranla müharibədən sonra NATO ilə münasibətlərini yenidən nəzərdən keçirməli olacaq

ABŞ-ın dövlət katibi Marko Rubio bildirib ki, Vaşinqton və Tehran arasında mesaj mübadiləsi davam edir və tərəflər arasında birbaşa görüşün keçirilməsi ehtimalı mövcuddur.

InterPress.ge xəbər verir ki, Rubio bu barədə açıqlamasında danışıqlar prosesinin davam etdiyini qeyd edib.

“Mesaj mübadiləsi gedir, danışıqlar davam edir. Müəyyən bir mərhələdə birbaşa görüşün baş tutması potensialı var”, – deyə o bildirib.

Rubio həmçinin vurğulayıb ki, İranla müharibədən sonra ABŞ-ın NATO ilə münasibətlərinə yenidən baxması lazım gələ bilər.

Onun sözlərinə görə, alyansın əvvəlki kimi ABŞ-ın maraqlarına xidmət edib-etmədiyi sual altındadır.

“Bu, son nəticədə prezidentin qərarıdır. Lakin görünür ki, NATO-nun hələ də ABŞ üçün effektiv olub-olmadığını yenidən qiymətləndirməli olacağıq. Əgər bu alyans birtərəfli münasibətə çevrilibsə və ABŞ sadəcə Avropanı qoruyursa, amma lazım olanda müttəfiqlərimiz bizə bazalardan istifadə etməyə və uçuşlara icazə vermirsə, bu, qəbuledilməzdir”, – deyə Rubio qeyd edib.

Xatırladaq ki, Avropa liderləri İran əleyhinə hərbi əməliyyatlarda birbaşa iştirakdan imtina ediblər.